Bon biní riba website di Fundashon Skolnan Públiko Boneiru
Fundashon Skolnan Públiko Boneiru ta un organisashon sólido, enkargá ku enseñansa primario na Boneiru. A lanta e fundashon 1 di febrüari di aña 2013, i for di e momento ei e fundashon ta responsabel pa e dos skolnan públiko; kual ta, Kolegio Rayo di Solo i Kolegio Strea Briante.
E skolnan públiko ta aksesibel pa tur mucha sin distinshon di religion, kreensia, konvikshon filosófiko, òf rasa i sekso.
Kolegio Rayo di Solo ta un skol pa enseñansa primario regular. Kolegio Rayo ta ofresé enseñansa den un ruta edukativo kontinuo na alumno di 4 pa 12 aña. Kolegio Strea Briante ta un skol pa mucha ku nesesidat edukashonal spesífiko.
E organisashon ta konsistí di mas o ménos 55 empleado i ta ofresé enseñansa na mas ku 400 alumno.
Riba e página ‘Tokante nos’ tin mas informashon tokante Fundashon Skolnan Públiko Boneiru. Informashon di e skolnan ta riba e página “Nos skolnan"