Tokante nos
Stichting Openbaar Onderwijs Bonaire
Den pasado gobièrnu di Boneiru tabata responsabel pa e skolnan públiko (e tempu ei, Kolegio Reina Beatrix i Watapanaschool). Den e reunion di 5 di yüli 2012, Konseho Insular di Boneiru a disidí pa hasi e skolnan ariba menshoná independiente. Pa e motibu ei gobièrnu a lanta dia 19 di novèmber 2012 Stichting Openbaar Onderwijs (OOB). Stichting OOB ta responsabel pa enseñansa públiko for di promé di febrüari 2013 na Kolegio Rayo di Solo i Kolegio Strea Briante.
Dia 1 di ougùstùs 2015 a kambia nòmber di e dos skolnan pa nan nòmber aktual:Kolegio Rayo di Solo i Kolegio Strea Briante.
Fundashon Skolnan Públiko Boneiru a formulá e siguiente mishon: Fundashon Skolnan Públiko ta Brinda enseñansa na muchanan di 4 pa12 aña di edat, independiente di nan orígen sosial, kultural òf ideologia di bida. For di nos responsabilidat komun, i nos deber pa duna kuido nos ta duna enseñansa for di e perspektiva di e mucha, pa amplia su talento i optimalisá su posibilidatnan.
E vishon di Fundashon Skolnan Públiko Boneiru ta: Duna e alumno espasio pa siña i desaroyá komo preparashon pa por partisipá den nos komunidat yen di diversidat. Enseñansa na Skolnan Públiko ta aportá na desaroyo di e alumno mediante atenshon na ideologia di bida i balor sosial.
Pa logra enseñansa di kalidat altu mester traha segun e mishon i vishon deskribí. P’esei Fundashon Skolnan Públiko Boneiru ta sòru pa:
- Enseñansa ku ta den desaroyo kontinuo
- Enseñansa aktual i moderno
- Enseñansa dirigí pa saka e máksimo di kada alumno
- Komo un bon dunadó di trabou, invertí den e personal, espesialmente den kalidat di e personal
- Mantené outentisidat di e skolnan
- Invershon transparente i spesífiko di rekurso (finansiero)
- Garantisá i kontrolá kalidat
Struktura
Stichting OOB su struktura di organisashon ta konforme e modelo di Konseho di Supervishon. Di e manera aki nos ta riba mes liña ku e desaroyonan di sosiedat relashoná ku maneho di enseñansa balansá, ku e separashon entre direktiva interno i eksterno.. Konseho di Supervishon di Stichting OOB ta ehekutá supervishon interno i Inspekshon di Enseñansa ta ehekutá supervishon eksterno. Den e Konseho di Supervishon interno mayor i otro benefisiario tambe por partisipá pa medio di un representante den Konseho di Partisipashon. Di e manera akí nos ta sostené un direktiva adekuá relashoná ku e desaroyonan sosial. Un direktor general ta dirigí e fundashonku ta forma e direktiva bou di supervishon di e Konseho di Supervishon. E direktor general ta responsabel pa realisá e metanan i tambe pa strategia i maneho di e fundashon.
Konseho di Supervishon
Tarea di e konseho di supervishon ta pa, for di un responsabilidat sosial, vigilá strategia i maneho di e direktor general i buena marcha di asuntu general di e fundashon. Konseho di supervishon ta konsehá e direktor general, e ta fungi komo grupo di resonansia I nan tin e ròl di un dunadó di trabou den relashon ku e direktor general. E supervisornan ta traha na interes di e organisashon.
Miembro di e Konseho di Supervishon ta konsistí di sinku persona. Kada miembro di Konseho di Supervishon ta un generalista ku ta bini ku su ekspertisio. Esaki ta hasi ku kada área di konosementu, ekspertisio i kontakto eksterno ta kubrí. Miembro di e Konsho di supervishon ta :
- Presidente: Sr. J.H. (Jurrian) Burgers
- Sekretario: Sra. S.E. (Sheloutska) Martinus-Francees
- PTesorero: Sra. G.S. (Genara) Timp-Silberie
- Miembro: Sra. D.M.L. (Désiré) Eliza – Manuel
- Miembro: Sra. G.J. (Charlotte) Verpaalen
Por tuma kontakto ku konseho di supervishon na: [email protected]
Direktor general
Periódikamente e direktor general ta responsabilisá e maneho ehekutá na e konseho di supervishon. E direktor general ta dirigí e organisashon i ta konta ku n sosten atministrativo i general limitá di e office manager di e dos skolnan. Direktor di e skolnan ta duna konseho i sosten riba diferente área di maneho den skol i enseñansa. Den konsulta sentral di direktiva, e direktor general huntu ku e direktornan di skol ta enfoká riba krea e kondishonnan pa e maestro- i otro empleadonan por realisá e metanan. E direktor general ta determiná e kuadro di maneho i ta delegá e ehekushon na e direktornan.
Direktor general di fundashon skolnan públiko Boneiru ta:
Sra. Saby de Bies
Maneho
Nos ta biba den un komunidat ku ta desaroyá ku rapides. Esaki ta pone ku mester reakshoná adekuadamente riba e desaroyo nobo i inová kontinuamente. Pensa riba por ehèmpel: digitalisashon, atenshon pa desaroyo di idioma i konekshon ku estudio sekundario. Nos tarea primario ta garantisá ku nos enseñansa ta di un kalidat altu, di manera ku e mucha su resultado ta riba e ekspektativa. Nos ke garantisá éksito pa medio di enfoke riba nos metanan stratégiko. Lógikamente e metanan aki mester ta ambisioso pero alkansabel.
GMR
E Konseho di partisipashon kolektivo (GMR) ta sigui maneho di skol riba área di enseñansa, personal, organisashon i finansa. E konseho ta representá mayor, alumno i personal. GMR ta fungi komo un grupo di resonansia pa mayor i personal, ku ta yuda pensa tokante di maneho i desaroyonan den e organisashon. Nan ta yuda pensa na un manera krítiko riba maneho i den esaki ta na promé lugá interes di tur envolví:alumno, mayor, personal. E Hunta di Partisipashon Kolektivo ta hunga un ròl importante den garantisá enseñansa kualitativo den un ambiente sigur, salú i dushi pa tur alumno.
GMR ta traha segun e reglanan deskribí den e reglamentu di konseho di partisipashon. Den e reglamentu tin, entre otro: tarea, outorisashon i responsabilidat di GMR deskribí i tambe e repartishon di tarea. GMR semper ta konsistí di un kantidat igual di mayor i personal. E punto di salida ta ku un miembro ta tuma asiento den e konseho pa dos aña. Despues di e periodo akí e por postulá su mes pa un periodo di dos aña mas.
Konseho di partisipashon tin e siguiente tareanan:
- Sigui i evaluá nota di maneho, ku e direktor general presentá komo informashon òf pa aprobashon na un manera krítiko i profeshonal.
- Desaroyá inisiativa pa karga e mishon di GMR, i dunakonseho unda ta nesesario
- Trata plan ku GMR mester disidí riba dje i ta relashoná ku skol.
- Derechi di informashon
Manera di traha:
GMR ta reuní un biaha pa luna komo mínimo. E presidente ta dirigí e reunionnan. Ta traha nótulo di tur reunion. E plan di trabou ta duna e liña prinsipal pa e puntonan di agènda. Personal i mayor ku no ta forma parti di GMR tambe por proponé un tópiko i presensia e reunionnan
E Konseho di partisipashon kolektivo ta konsistí di e siguiente personanan:
De GMR bestaat uit de volgende leden
Areina Martina
Presidente\ Mayor RdS
Jeanne Goeloe
Sekretaria \ Dosente StB
Lubianka Engelhart
Miembro \ Mayor RdS
Susiane Lourens
Miembro \ Dosente RdS
Carmelita Haynes
Miembro \ Office manager RdS
Suyendra Presentashon
Miembro \ Mayor RdS
Por tuma kontakto ku Konseho di Partisipashon Kolektivo (GMR) na [email protected]
Kolaborashon
- Huntu e direktivanan di skol a pidi i haña un supsidio pa traha riba maneho di idioma pa skol primario i sekundario. Huntu e direktivanan ta tuma e pasonan nesesario pa realisashon di esaki.
- Na kaminda pa UNI·VERSO (Sentro Integral pa Mucha), esaki ta un kolaborashon ku Fundashon Akohida Profeshonal pa Mucha. Nos tin un ambishon kolektivo pa yega na un sentro integral pa mucha. Pa realisá esaki konhuntamente nos a nombra un koordinadó ku ta enkargá ku e tareanan diario i pa konsehá e dos direktivanan.
- A forma un grupo di trabou riba tereno deportivo; e dosente- i lidernan di deporte di e diferente skolnan ta partisipá na e grupo akí.
- Relashoná ku e partisipashon den e konstelashon kolektivo di skol di Boneiru, e skolnan públiko ta parti di e direktiva di Sentro di Ekspertisio i Kuido den Enseñansa (EOZ)Reunion regular ku e otro direktivanan di skol primario i sekundario
- For di 18 di yanüari 2016 skolnan públiko ta miembro di PO-raad na Hulanda
Periódikamente tin reunion ofisial i gubernamental ku entidat públiko di Boneiru den kuadro di alohamentu, akseso na skol, desaroyo di sentro integral pa mucha, maneho di mucha ku mester drenta skol, presupuesto, relato anual i maneho di COVID
Tambe tin kontakto i enkuentro ku Dienst Uitvoering Onderwijs (DUO), Inspekshon di Enseñansa i Ministerio di Enseñansa, Kultura i Sensia (OCW).
Adishonalmente nos ta traha ku biblioteka, Sentro pa Hubentut i Famia, empleado públiko di enseñansa obligatorio i otro partnernan den enseñansa.
UNI·VERSO
UNI·VERSO ta ofresé tur mucha ku ta bishitá e sentro un lugá sano. Komunikashon i kolaborashon entre e partnernan enbolbí ta habrí i transparente. Tin un kolaborashon intensivo entre akohida Arko Iris, Kolegio Rayo di Solo i Kolegio Strea Briante. E kolaborashon akí ta duna nos mucha- i empleadonan diferente oportunidat ku nos ke probechá al máksimo. E kolaborashon akí ta úniko.
E punto di salida ta, ku nos lo sigui karga e vishon pedagógiko komun akí ku tur esnan konserní, pa e motibu ei nos mester keda kòmbersá i dialogá, i keda hasi e preguntanan: nos sa ken nos ta, kiko nos ta hasi i dikon (ku kua meta)? E ora ei nos por pidi otro aklarashon riba nos responsabilidatnan i palabrashonnan hasí.
Inspekshon di enseñansa
Tur mucha tin derechi riba bon enseñansa. Alumno i mayor mester por konta ku e enseñansa na skol ta di nivel. Direktiva di skol ta responsabel pa kalidat di enseñansa na su skolnan i direktiva mester por responsabilisá e resultadonan.
Inspekshon di enseñansa ta supervisá kalidat di enseñansa, kumplimentu ku lei i finansa di e skolnan. Aparte di esakinan inspekshon ta reportá riba e desaroyonan den enseñansa, ku e meta pa optimalisá kalidat di enseñansa en general.
Pa mas informashon por akudí na e website di inspekshon di enseñansa: www.onderwijsinspectie.nl
Inspektor di konfiansa
Na inspekshon di Enseñansa tin un tim di inspektor di konfiansa ta traha, ku ta traha tambe pa Hulanda Karibense.
Mayor, alumno, direktor, direktiva, pero tambe otro trahadó di konfiansa por konsultá e inspektor di konfiansa ora ku tin problema na òf relashoná ku e skol riba e áreanan di:
- Intimidashon seksual òf abusu seksual
- Abusu síkiko òf físiko
- Diskriminashon òf radikalisashon
Por tuma kontakto ku e inspektor di enseñansa di djaluna pa djabièrnè:
Si konsiderá e diferensia di ora entre Boneiru i Hulanda por ta mas mihó pa manda un mail pa e inspektor. Den e mail por pidi pa e inspektor yama bèk. Den e kaso ei ta importante pa pone nòmber i number di telefòn di kontakto.
E-mail di e inspektor di konfiansa ta: [email protected]
EOZ
Sentro di Ekspertisio i Kuido den Enseñansa (EOZ) tin komo tarea pa sòru pa tur mucha riba nos isla haña e enseñansa ku ta pas ku nan. Tur direktiva di skol ta afiliá na EOZ.
EOZ ta duna sosten i guia na alumno i studiante ku tin problema pa sigui ku nan karera eskolar pa motibu di problema sosial i/o emoshonal, problema pa siña òf problema ku komportashon. EOZ ta duna kuido adishonal riba e kuido ku skol ta dunando kaba. P’esei e kolaborashon entre EOZ ku skol ta hopi importante.
Pa por duna e servisio akí EOZ tin diferente profeshonal i eksperto ta laborá na, entre otro: ortopedagogo, sikólogo i trahadó sosial.
Tambe EOZ ta duna training di kompetensia sosial (SOVA), miedu di faya i agreshon na studiante. Huntu ku esakinan nan ta duna tayer i charla na skol, i nan ta duna konseho práktiko kon pa trata ku e diferente afekshon- i defisiensianan.
Den kaso ku skol no ta ekipá pa duna un alumno e kuido òf enseñansa spesialisá ku e mester, por manda e alumno un instansia ku si por proveé e kuido i enseñansa nesesario. Esaki ta pasa solamente despues ku EOZ a tèst e alumno i den kòmbersashon ekstenso ku mayor, skol i otro eksperto. EOZ ta e instansia ku ta koordiná esaki.
