Inspekshon di Enseñansa

Tur mucha na Boneiru tin derechi riba enseñansa. Alumnonan i mayornan mester por konta ku e enseñansa na skol ta bon. E direktiva di skol ta responsabel pa e kalidat di enseñansa i tambe mester responsabilisá su resultadonan.

Inspekshon di Enseñansa ta kontrolá e kalidat di enseñansa, finansa i kumplimentu ku leinan vigente. Tambe Inspekshon di Enseñansa ta reportá tokante e desaroyonan di enseñansa ku e intenshon pa mehorá e kalidat di enseñansa den su totalidat.
Pa mas informashon: www.onderwijsinspectie.nl

Inspektor di Konfiansa
Na e Inspekshon di Enseñansa tambe ta traha un tim di Inspektornan di Konfiansa. E tim ta responsabel pa realisá e tareanan di Inspektornan di Konfiansa den Karibe Hulandes.

Mayornan, alumnonan, maestronan, direktornan di skol, direktivanan, pero tambe e personanan di konfiansa por tuma kontakto ku e Inspektornan di Konfiansa, por ehèmpel relashoná ku problemanan serio riba tereno di:

  • Intimidashon i abuzu seksual
  • Violensha síkiko i físiko
  • Diskriminisashon i radikalisashon

Bo por yama e Inspektornan di Konfiansa durante dianan di trabou (orario di Hulanda: 8’or di mainta te 5’or di atardi). E number di telefòn ta: 0031306706001.
Pa motibu di e diferensha den orario entre Karibe Hulandes i Hulanda ta preferibel pa manda un e-mail ku e petishon pa yama bèk. Den e kaso aki ta bon pa manda un e-mail ku bo nòmber i number di telefòn. E e-mailadres di Inspektornan di Konfiansa ta: CNvertrouwensinspect@owinsp.nl

Nos ta un famia - Ban p'e ku alegria