Mishon i vishon

Mishon

E formashon ku nos ke duna na e muchanan ta pa e mucha bira un persona ku sa di para riba su pianan, ku un sentido grandi di patriotismo i ku sa di sali na vanguardia di su mes, su famia, su komunidat i su pais riba tur tereno i den tur area di bida. Ankrá riba e fundeshi di konsistensia, sostené pa e pilar di kredibilidat, integridat, onestidat i rèspèt, ku ta ser koroná ku konfiansa.

Vishon

Nos ta haña importante ku muchanan por partisipá mas optimal posibel den e bida kultural, sosial i ekonómiko. Kualidatnan manera, ta sigur di bo mes, flèksibilidat, sa di karga responsabilidat, ta servisial i independiente por aportá na esaki. Nos ta pone aksento riba e desaroyo personal kompletu, esta desaroyo di alma, kurpa i spiritu di e muchanan.. Pa esei nos ta ofresé un variedat amplio di kontenido i forma di traha. Den esaki e muchanan ta siña hasi nan propio eskoho pasobra nos ta di opinion ku di e forma aki e muchanan ta siña mihó. E kontenidonan ta relatá mas tantu ku ta posibel na realidat di bida: nos ta para pa enseñansa den bida real, siña den konteksto.

Nos ta un famia - Ban p'e ku alegria