Historia

Kolegio Rayo di Solo a wòrdu fundá na aña 1848 bou di e nòmber ‘Landschool’.

Dia 16 di mei 1939 ‘Landsschool’ a bira e promé skol públiko na Boneiru bou di e nòmber ‘Prinses Beatrixschool’, hospedando 16 alumno.

Sèptèmber 1951 e skol Prinses Beatrix tabata situá den e edifisio ku anteriormente tabata e kazèrne di Boneiru. Den e époka ei un skol preparatorio tambe tabata forma parti di Prinses Beatrixschool.
Na aña 1974 e skol básiko a muda pa e edifisio nobo den Amboina, konsistí di 10 klas.
E skol preparatorio no a muda bai Amboina i a keda den edifisio kual anteriormente tabata kazèrne.
Ougùstùs 1980 a amplia e skol ku 2 klas, for di kua un di nan tabata pa skol preparatorio. Despues e skol preparatorio a wòrdu amplia ku 2 klas mas ku un total di mas ku 40 mucha chikitu.
Na aña 1998 e skol preparatorio a krese te na un total di 6 klas bou di e nòmber ‘Kolegio Reina Beatrix’.
Na aña 2002 e skol preparatorio i e skol básiko a bira un skol pa enseñansa di fundeshi ku 2 siklo. E siklo promé tabata grupo 1 te 4 i e siklo dos tabata grupo 5 te 8.

Na aña 2007 e skol a wòrdu amplia ku un edifisio multi-funshonal, ampliando e posibilidatnan edukativo i kultural.

Na aña 2014 Kolegio Reina Beatrix a selebrá su di 75 aniversario.

For di promé di ougùstùs 2015 nos a kambia e nòmber di Kolegio Reina Beatrix den Kolegio Rayo di Solo. E motibu pa kambia e nòmber ta pasobra nos ta na kaminda pa un sentro integral pa mucha: UNI-VERSO huntu ku Krèsh Arko Iris i Kolegio Strea Briante (tabata Skol Watapana). Esaki ta nifiká ku e krèsh, enseñansa básiko i enseñansa spesial pa alumnonan ku nesesidatnan di enseñansa spesífiko tur bou di un dak i ku un mesun vishon pedagógiko i kada organisashon ku su mes identidat.

Nos ta un famia - Ban p'e ku alegria