Diploma di landamentu!

Diploma di landamentu!

E siman aki un total di 172 alumno di tur grupo 5 di skolnan básiko di Boneiru a risibí nan sertifikado òf diploma di landamentu, despues di a sigui lès.
Stichting Openbaar Onderwijs Bonaire a organisá e lèsnan di landamentu pa tur e gruponan 5 di skol básiko na Boneiru. Ku supsidio di e proyekto ‘Chèns pa tur mucha’ di e ministerio di Asuntunan Sosial i Empleo, supsidio di Entidat Públiko Boneiru i e kontribushon di direktivanan di skol, a logra organisá lès di landamentu tur siman pa e alumnonan aki.

Den e pisina di Hillside Hotel e alumnonan a haña lès di dosentenan sertifiká di Swim Academy Splash, ku ta afiliá na Nationaal Platform Zwembaden (NPZ) i Nationale Raad Zwemveiligheid (NRZ) na Hulanda. Dor di esaki nan por ofresé e diplomanan A, B i C.
Alumnonan ku despues di ún aña di lès ainda no por a siña landa bon a haña un sertifikado riba kua ta menshoná e abilidatnan ku sí nan ta dominá.
E eksámennan a tuma lugá den laman na Cocobeach komo ku aki e sirkunstansianan ta otro ku den awa di pisina. Na total 172 mucha a partisipá, di kua 35 a logra nan sertifikado, 51 alumno a optené diploma A, 21 diploma B i 65 un diploma C, loke ta un resultado bunita.

Riba portrèt nos alumnonan di Kolegio Rayo di Solo i Kolegio Strea Briante i e dos dosente di landamentu.

No Comments

Post A Comment

Nos ta un famia - Ban p'e ku alegria